ប្រុសៗទាំងអស់គ្នា! ពេលមិត្តស្រីរៀបគំរោង សុំរៀបការបែបនេះ ហ៊ានឆ្លើយថា “ទេ” អត់?

ប្រហែលជាយើងទាំងអស់គ្នាធ្លាប់ឃើញហើយ ពីការរៀបចំគំរោងប្លែកៗដើម្បីសុំដៃគូ ដែលខ្លួនស្រលាញ់រៀបការ ហើយភាគច្រើនខាងបុរសតែងតែជាអ្នករៀបចំ។ នេះមិនមែនមានន័យថាខាងស្រីៗមិនអាចធ្វើបាននោះទេ គ្រាន់តែសម្រាប់ប្រជាជនខ្មែរយើងគឺត្រូវគោរពតាមទំនៀមទំលាប់ ដោយប្រុសត្រូវចូលស្តីដណ្តឹងខាងស្រី។

យ៉ាងណាមិញសម្រាប់គូរស្នេហ៍មួយគូរនៅប្រទេស Sweden បានធ្វើឲ្យមានការចាប់អារម្មណ៍យ៉ាងខ្លាំងដោយ ខាងស្រីបានរៀបចំគំរោងសុំខាងប្រុសរៀបការដ៏រ៉ូមែនទិចមួយ រហូតដល់ខាងប្រុសហាមាត់និយាយថា ”ទេ” មិនបាន។

បុរសម្នាក់ឈ្មោះ Michael និងមិត្តស្រីរបស់គាត់ បានណាត់គ្នាទៅញាំអាហារថ្ងៃត្រង់ ក្នុងហាងតូចមួយនៅ Helsingborg។ ពេលនោះអ្នករត់តុ, បានត្រៀមតុ មួយនៅចំកណ្តាលទីធ្លាហាង សម្រាប់គាត់អង្គុយចាំដៃគូ។ ដំបូងឡើយ Michael មិនបានចាប់អារម្មណ៍ឡើយ គឺគាត់គ្រាន់តែយកទូរសព្ទដៃ ថតយករូបភាពក្រុមរាំនោះប៉ុន្នោះ។ ប៉ុន្តែនៅពេលដែលមិត្តស្រីគាត់ចេញមកភ្លាម គាត់ក៏ដឹង ហើយត្រៀមជាស្រេចដើម្បីនិយាយថា “ព្រម”។

យើងអាចនិយាយបានថា លោក Michael គឺជាបុរសមានសំណាងម្នាក់ដែលមានមនុស្សស្រីស្រលាញ់គាត់ រហូតដល់ហ៊ានធ្វើបែបនេះ។ ជាការពិតណាស់, សេចក្ដីស្រឡាញ់គឺគ្មានព្រំដែនទេ៕

Share on Google Plus