បន្ទាប់ពីភ្ជាប់ពាក្យបានប៉ុន្មានថ្ងៃ តារាចម្រៀង Mariah Careyនិងគូដណ្ដឹងជាមហាសេដ្ឋីអូស្ត្រាលី James Packerបានរើទៅនៅជាមួយគ្នា ដោយជួលផ្ទះមួយនៅទីក្រុង Calabasas រដ្ឋ California សហរដ្ឋអាមេរិក ក្នុងតម្លៃ ២៥ម៉ឺនដុល្លារក្នុងមួយខែ។ នេះតាមការឲ្យដឹងពី TMZ ។
ផ្ទះថ្មីរបស់គូស្នេហ៍ថ្មីថ្មោងមានទំហំជាង១៦០០ម៉ែត្រការ៉េ មានទាំងកន្លែងសូណា ហាត់ប្រាណ និងសង់លើផ្ទៃដីប្រមាណជាង៤០០០ម៉ែត្រការ៉េ។ តាមលោក Hartoonian ដែលជាភ្នាក់ងារខាងជួលហើយក៏ជាអ្នករកទីតាំងផ្ទះនេះឲ្យគូស្នេហ៍ទាំង២បានប្រាប់ DailyMailថា៖”ផ្ទះនេះមានទីតាំងល្អសម្រាប់រស់នៅនិងបង្កើតគ្រួសារ”។ ក្នុងថ្ងៃភ្ជាប់ពាក្យកាលពីពេលថ្មីៗ James Packerដែលជាអ្នកជំនួញបានបំពាក់ចិញ្ចៀនទំហំ៣៥ការាត់ទៅឲ្យ Mariah Carey តម្លៃរាប់ម៉ឺនដុល្លារ។ ពួកគេបានជួបគ្នាដំបូងក្នុងពិធីសម្ពោធន៍ភាពយន្តមួយកាលពីឆ្នាំ២០១៤៕
0 comments :
Post a Comment